Estes días, Raticonto deixou unha carta moi especial en cada aula do CEIP Coirón-Dena para contarnos dúas cousas moi importantes… 💌
📚 A nosa biblioteca estará pechada temporalmente porque estamos traballando na revisión, recatalogación e organización dos libros. Queremos que moi pronto poidades volver gozar dela máis organizada e chea de novas aventuras lectoras! ❤️
🥾 Pero a aventura non para aquí! Raticonto tamén nos presentou o PDI deste curso: “Pasiño a pasiño, xunt@s facemos o camiño”, unha viaxe moi especial inspirada no Camiño de Santiago, na que a lectura, a arte, a investigación, a colaboración e os retos serán os nosos compañeiros de viaxe. 🌍✨
📍 Ao carón da porta da biblioteca atoparedes un corcho moi especial no que, cada mes, aparecerá un novo RETO DE PEREGRIN@S. Cada aula ou ciclo terá que traballar en equipo para superalo e conseguir un selo na súa credencial de peregrino. 🗺️🔖
Porque o importante non é chegar primeiro, senón camiñar xunt@s, aprender, axudarnos e gozar de cada paso. 💚
🎒 Preparade as mochilas e as ganas de descubrir, porque a nosa aventura acaba de comezar!
Pasiño a pasiño… xunt@s facemos o camiño! 🐭🥾📖

No hay comentarios:
Publicar un comentario