Concurso "O Outono na pintura"

Como sabedes este ano o lema de traballo para as bibliotecas escolares é "Territorio das artes". Iremos traballando dende a biblioteca coas diferentes artes ao longo do curso. Neste intre temos en marcha o concurso "O outono na pintura" consistente en que os nenos e nenas do colexio que queiran adiviñen o autor e o título destes cadros.

Para participar deberán cubrir unha ficha cos datos dos cadros e depositala no buzón antes do día 7 de novembro. O resultado do concurso saberase durante a celebración do magosto. Para facilitarvos o traballo de investigación sobre os cadros deixámosvos aquí as fotos do concurso:

Sorte a tódolos participantes!!

PLANETARIO

O pasado mércores ao longo de todo o día o alumnado do centro tivo a ocasión de asistir á actividade do Planetario que, instalado no ximnasio, ofreceu unha sesión a cada un dos grupos de nenos e nenas co obxectivo de acercalos ao mundo da cosmofísica. Miraron Nubes, a rotación da Terra, a gravidade, o home astronauta,o ceo(estrelas constelacións e planetas), a orixe da vida, as fases da Lúa, os cambios de latitude, do micro ao macro universo...contidos adaptados ás idades dos rapaces e rapazas. Raticonto anunciou a actividade cun bonito cartel.