16 nov 2026

Maleta viaxeira Camiño de Santiago

🎒🥾 UNHA MALETA CHEA DE AVENTURAS… RUMBO A SANTIAGO! 🥾

Temos unha nova compañeira de viaxe! 🧳✨

Grazas ao programa Bibliotecas Escolares de Galicia, recibimos unha Maleta Viaxeira do Camiño de Santiago, que estará connosco durante todo un mes para achegar ao alumnado do terceiro ciclo de Primaria ao fascinante mundo do Camiño.

No seu interior agóchanse libros, xogos e moitos recursos para descubrir, investigar, aprender e, sobre todo, gozar desta gran aventura. 📖🎲

Esta maleta chega nun momento moi especial, xa que o noso PDI deste curso, «Pasiño a pasiño xunt@s facemos o camiño», ten como protagonista o Camiño de Santiago. Unha oportunidade marabillosa para seguir explorando a súa historia, cultura, patrimonio e valores, e para continuar avanzando no noso particular percorrido.

Porque cada libro é unha etapa, cada xogo unha nova descuberta e cada lectura… un pasiño máis no camiño! 💛



Rati trae novas!

🐭📚✨ RATICONTO TRAE NOVAS!

Estes días, Raticonto deixou unha carta moi especial en cada aula do CEIP Coirón-Dena para contarnos dúas cousas moi importantes… 💌

📚 A nosa biblioteca estará pechada temporalmente porque estamos traballando na revisión, recatalogación e organización dos libros. Queremos que moi pronto poidades volver gozar dela máis organizada e chea de novas aventuras lectoras! ❤️

🥾 Pero a aventura non para aquí! Raticonto tamén nos presentou o PDI deste curso: “Pasiño a pasiño, xunt@s facemos o camiño”, unha viaxe moi especial inspirada no Camiño de Santiago, na que a lectura, a arte, a investigación, a colaboración e os retos serán os nosos compañeiros de viaxe. 🌍✨

📍 Ao carón da porta da biblioteca atoparedes un corcho moi especial no que, cada mes, aparecerá un novo RETO DE PEREGRIN@S. Cada aula ou ciclo terá que traballar en equipo para superalo e conseguir un selo na súa credencial de peregrino. 🗺️🔖

Porque o importante non é chegar primeiro, senón camiñar xunt@s, aprender, axudarnos e gozar de cada paso. 💚

🎒 Preparade as mochilas e as ganas de descubrir, porque a nosa aventura acaba de comezar!

Pasiño a pasiño… xunt@s facemos o camiño! 🐭🥾📖



5 oct 2026

Mochilas viaxeiras

✨ Comezamos coa nosa Mochila Viaxeira! ✨

Hoxe iniciamos unha nova aventura chea de aprendizaxes, emocións e momentos compartidos. A mochila viaxeira viaxará cada semana a un fogar diferente, converténdose nun espazo de encontro entre escola e familia.

📚 Por que a usamos?
A súa finalidade é fomentar o gusto pola lectura, o achegamento aos idiomas, a creatividade e o diálogo familiar. É unha ferramenta que une, que abre portas e que crea recordos.

🎒 Que atoparedes dentro?
• Un libro en galego, para seguir fortalecendo a nosa lingua.
• Un libro en español e outro en inglés, para ampliar horizontes e descubrir novas historias.
• Un xogo para pasar un bo intre en familia.

💭 Espazo de reflexión
Ao final, atoparedes unha folla para que o alumnado e familias poidades escribir ou debuxar como foi a experiencia: que vos gustou máis, que descubríchedes, que vos fixo sorrir… Queremos escoitar as vosas voces!

Grazas por formar parte deste camiño compartido. A mochila xa está lista… Boas viaxes e boas lecturas! ✨📖



21 sept 2026

PDI: Pasiño a pasiño, xunt@s facemos o camiño

 🥾🌿 PASIÑO A PASIÑO, XUNT@S FACEMOS O CAMIÑO 🌿🥾

Este curso, no CEIP Coirón-Dena, emprendemos unha nova aventura! 🎒✨

O noso PDI deste ano chámase “Pasiño a pasiño, xunt@s facemos o camiño” e terá como protagonista o Camiño de Santiago, aproveitando a chegada do Ano Santo Xacobeo 2027. ⛪️🌟

Ao longo do curso descubriremos o Camiño desde diferentes perspectivas: a súa historia, cultura, arte, patrimonio, natureza, tradicións… e tamén reflexionaremos sobre a importancia de practicar un turismo sostible e respectuoso co medio ambiente, co patrimonio e coas persoas. 🌱💚

📚 E desde a biblioteca… comeza o reto!

Periodicamente, a biblioteca lanzará un reto ou pregunta que quedará exposto no corcho da biblioteca. 🧩🔎
Cada ciclo terá que investigar, pensar, buscar información e traballar en equipo para atopar a resposta.

🎒 E como saberemos que o conseguimos?

Cada vez que un ciclo resolva correctamente un reto, conseguirá un novo selo na súa Credencial de Peregrino: unha caritiña de Raticonto, o noso compañeiro de viaxe! 🐭🥾✨

E así, reto a reto, pasiño a pasiño, iremos avanzando polo noso propio camiño. 🗺️👣

🎪 E para pechar esta gran aventura…

No mes de maio celebraremos a nosa FEIRA DO PEREGRINO, na que poderemos compartir e expoñer todo o que fomos creando, investigando e aprendendo ao longo do curso. 🎨📚🌿

Porque neste camiño non importa só chegar á meta… importa todo o que aprendemos e compartimos mentres camiñamos. ❤️

🥾 Pasiño a pasiño… xunt@s facemos o camiño!
🐭 Raticonto xa está preparado. E vós?





21 jun 2026

Voluntariado da biblioteca

📚🏅  Recoñecemento ao noso voluntariado da biblioteca 🏅📚

Durante este curso escolar, o alumnado de 6º participou como voluntariado da biblioteca, demostrando compromiso, responsabilidade e unha grande disposición para axudar.

Grazas á súa colaboración, a biblioteca converteuse nun espazo máis organizado, acolledor e dinámico para toda a comunidade educativa. O seu traballo diario, a súa implicación e as súas ganas de colaborar foron fundamentais para o bo funcionamento deste recuncho tan especial do centro.

Para agradecer todo o esforzo realizado, fixémoslles entrega dun diploma de recoñecemento pola súa axuda e dedicación ao longo do curso. Un pequeno detalle para valorar unha gran labor.

👏 Parabéns e moitas grazas por ser exemplo de compañeirismo, responsabilidade e amor polos libros e a lectura.

Levaredes convosco este diploma, pero tamén a satisfacción de ter contribuído a facer da nosa biblioteca un lugar mellor.

💙📖 Grazas por todo, voluntariado de 6º!



A orquesta de Camarote

🎻📚✨ A música e a lectura déronse a man no CEIP Coirón-Dena. 🎻📚✨

Dentro do programa “Lectura e Familias”, gozamos da fermosa interpretación do conto infantil musicado “A orquestra de Camarote”, da man de Damián Alonso @sondamianalonso coa música de Moisés Lorenzo.

Unha experiencia chea de emoción, imaxinación e melodías que conquistou a pequenos e maiores, demostrando unha vez máis o poder dos contos para unir ás familias arredor da lectura e da cultura.

Grazas aos artistas por compartir connosco esta viaxe musical tan especial e a todas as familias pola súa participación.

🎶📖 Porque ler tamén é escoitar, sentir e soñar.🎶📖


Para veres máis imaxes, pinchade na seguinte ligazón: https://www.instagram.com/p/DZrf19KjIw_/?utm_source=ig_web_copy_link&igsh=MzRlODBiNWFlZA==

4 jun 2026

Recomendacións lectoras Verán

Compartimos unha selección de recomendacións lectoras de verán e xogos educativos dirixidas a todo o alumnado do centro, organizadas por ciclos.

📌 Nas imaxes que acompañan esta publicación podedes consultar todas as propostas.

☀️ O verán é un momento ideal para ler sen présas, xogar en familia e seguir aprendendo dun xeito lúdico e divertido.

📖🎲 Animámosvos a botarlle unha ollada ás recomendacións e desfrutar dun bo verán cheo de historias e xogos.

📌 Bo verán e boas lecturas!